Mer zeige euch d Highlights vode Saison vo eus, em C-U14 vom Team Aarau
mer tüend eus au poetisch sälber vorstelle, ja! Dichte chöne mer nämli au!

scho vor Saisonbeginn hämmer en grosse Fortschritt gmacht,
dank em Logo vom Bistro Brotkorb, wo neu uf eusne T-Shirts lacht.
Teamzämekünft und s Wiehnachtsässe hämmer natürli bimne guete Döner dete gha,
Förderkaderspeler Merlin het müese warte, wel er bstellt gha het Pasta.

 

 

 

 

 

 

am Maiezug währendm Umzug ghört sichs traditionell e Capri-Sonne fahne,
und am obe no bis zum langwiile no paar rundi fahre mit de Butschibahne!

 

 

 

 

 

 

 

 

 

Klavierspele am Bahnhof vor de Uswärtsfahrt,
mer hend David ned chöne unterscheide vom Mozart!
Wenn mer mol de Zug verpasst,
tuet mer halt uf de Perron chille…
nochhär het mer den Energie zum spele!

 

 

 

 

 

 

 

 

 

Zwüsche de spel tüemer gern UNO oder Frantic zocke
de Phil tuet am liebschte mitem Sori sis Handy umerocke.
während de Pause isch sogar s lehre cool,
alli hange em Lehrer Ghafari am muul.

 

 

 

 

 

 

Mit dem Team und de witere Top-Trainer, Marco, Carlos und Jule,
isch klar gsi das mer wärde öpis hole!
d Saison hämmer zwar ned chöne fertig mache,
aber dank zwoi Pokal hämmer ide Vorbereitig scho chöne lache!
ufm Chlifeld in Buebedorf silber gholt,
und ufm Grossefeld in Basel gold!

 

 

 

 

 

 

 

 

bide vorstellig macht de afang Goalie Matteo,
lehnet eu zrugg und gnüssed d Show.

die alti Saison isch verbi,
aber die neui chont scho glii!
leider esch de Corona schnäller gsi.
i hoffe Corona isch schnell verbi,
de chöne mer wedr zäme si.
för die neui saison hani d Goaliusröschtig vonere Team Aarau-Legände
und wirde so alli Stürmer schände!

Levin isch euse Maa,
well er guet verteidige cha!

s Goal isch gross, de Ball isch chlii.
doch de Florian loht kei Ball verbii!

de Lars het kampfgeischt und isch motiviert,
dmet mer fasch nie verliert!

Mängisch Lo, aber eich Lorenzo,
gueti schüss und capitano,
schnell isch er und usduur het er au no!

Gross und schlau
Maurin weisses genau!
de Ball findet jede rank
au s Goal, Gott sei Dank!

Felix isch en guete Speler,
wächselt aber ned zu Wiler,
er blibt treu be eus,
zäme mit de anderne Boys.

S Team Aarau isch eifach läbe
da muesch bi dene Trainer eifach mol säge!
mer sind alli immer motivert
und blibe wie de David immer konzentriert!

de Carl isch euse schwed,
oft macht er de Unterschied!
er isch zwar en ganz krasse,
mues aber lerne meh z passe.

er isch en top Stürmer,
er zeigts dene Würmer!
d red isch vom Joris,
zäme mitm Team holt er sich de Priis!

Im Training git de Janis gas,
wel Unihockey macht vel Spass!
als eine vode wenige ish er Rächtsuslegger,
und beherrst super sin Schläger!

Verteidige, das isch sin Job.
wenns kes Goal git isches top.
Phil möchte nöchscht Saison vel erreiche,
und secher au s`eint oder ander Goal preiche!

Frauenpower tuet de Mannschaft guet!
Obwohl Sophie mängisch bruecht ha Muet.
Jetz goht si denn en andere wäg
S Fraueteam U21 esch för sie zwäg

Laurin isch so guet,
dass sogar Sohrab staune tuet!
mit de U14 isch leider Schluss,
well er id U16 mues.

De Tom isch zwar no chlii,
aber immer voll debii!!
emene guete Gägner schiebt er de Ball zwüsched bei,
nach verrichteter arbet goht er wedr hei.

Ich heisse Tobias,
und spele en guete Pass.
will s schönschte uf dere wält,
isch wenn de Ball is Tornetz fällt.
euses Team isch super toll,
oft mache mer s dutze voll
vel wächsle zude u-sächzäh
ich blibe aber no bide u-vierzäh

Enea isch en rächtsuslegger
und het en blaue Schläger
s`10ni isch sini Zahl,
und das ned zum erschte Mal.
Er isch schnell und flink,
und het de richtig instinkt!

Niklas isch eher en moderate Feldspeler
aber als Goalie isch er de Sieger!
Im Goal hebt er jede Ball,
ob hoch ob tüf, eifach öberall.
als Goalie isch er ned zstoppe
det isch er ned z toppe!

Goal schüsst er, aber ned nur eis,
oft bringt er chüeche, und zwar feins!
am liebschte macht er s Buebetrickli,
wenns wichtig wird, versenkt er au de Penalty!
egal ob hinde, als Center oder vorne,
mitm Luca im Team mache mer eus kei Sorge!

Besammlig esch am 8i, de Jule pfuust no dehei,
ah nice, zom Glöck esch de Marco scho uf de Bei.

En liebe Trainer isch de Marco nie gsi.
Am Afang Sprints und Drüpfiffregle hindedri.
Zwöschedore för es gspässli esch er aber immer zha gsi,
dorum hends ihn am schloss doch no gern gha e chli.

Sit de D-Juniore isch euse Coach de Sohrab,
wäg eus het er fasch alli Hoor ab!
för ihn sind mer die gröschte Stärn,
drum trainiert er eus trotzdem gärn.
Damit er au die räschtliche Hoor verliert,
wird jetzt zäme die nöchscht Stufe anvisiert!!

S Schlusswort öbernimmt Goalie Damian und spricht eus us de seel…

Juhu es isch so wiit
es isch weder Unihockey ziit
mer chöne fascht nüm warte
endlich chöne mer met em Training starte!!